Straitéis na Roinne Leanaí agus Gnóthaí Óige
• Ráiteas Misin na Roinne Leanaí agus Gnóthaí Óige
• Cuspóirí Ardleibhéil na Roinne Leanaí agus Gnóthaí Óige
• Luachanna na Roinne Leanaí agus Gnóthaí Óige
• Doiciméid Thábhachtacha Eagrúcháin
Ráiteas Misin na Roinne Leanaí agus Gnóthaí Óige
A bheith ar thús cadhnaíochta san iarracht chun torthaí a fheabhsú do leanaí agus do dhaoine óga in Éirinn.
Cuspóirí Ardleibhéil na Roinne Leanaí agus Gnóthaí Óige
- Beartais, reachtaíocht agus acmhainní a fhorbairt, a neartú agus a chur ar chomhréim d’fhonn torthaí níos fearr a bhaint amach do leanaí agus do dhaoine óga agus tacaíocht a chur ar fáil do thuismitheoirí agus do theaghlaigh.
- Monatóireacht agus measúnú a dhéanamh ar fheidhmíocht trí chórais láidre rialachais agus cuntasachta i ndáil leis na freagrachtaí atá ar an Roinn agus ar a gníomhaireachtaí.
- Tacaíocht a chur ar fáil don Roinn agus do pháirtithe leasmhara lárnacha chun teacht ar fhianaise níos fearr agus éascú a dhéanamh ar rannpháirtíocht ghníomhach leanaí agus daoine óga sna cinntí a mbíonn tionchar acu ar a saol mar dhaoine aonair agus mar ghrúpa.
- Feabhas a chur ar chórais chun tacú le teaghlaigh, leanaí a chosaint agus a choimirciú, cúram malartach a chur ar fáil agus cabhrú leis na daoine óga siúd a chuireann iad féin nó daoine eile i mbaol mar thoradh ar a n-iompar.
- Tacú le leanaí agus le daoine óga ionas gur féidir leo páirt iomlán a ghlacadh i bhfoghlaim ghníomhach, lena n-áirítear trí chúram agus oideachas luath-óige agus seirbhísí don aos óg ar ardchaighdeán a sholáthar agus trí aghaidh a thabhairt ar cheisteanna a bhaineann le freastal scoile agus rannpháirtíocht scoile.
- Comhoibriú le páirtithe leasmhara, lena n-áirítear ar fud an Rialtais, maidir le folláine fhisiceach, mhothúchánach agus eacnamaíoch leanaí agus daoine óga a chur chun cinn agus monatóireacht a dhéanamh uirthi agus éagothromais a laghdú.
- An cháil a bheith uirthi mar eagraíocht ina mbaintear amach ardfheidhmíocht ar bhonn leanúnach agus ina dtacaítear le forbairt phearsanta.
Luachanna na Roinne Leanaí agus Gnóthaí Óige
Geallann an Roinn Leanaí agus Gnóthaí Óige an méid seo a leanas:
- Mar bhonn le feidhmíocht den scoth, meas a bheith aici ar an bhfoireann agus timpeallacht a chruthú inar féidir leo foghlaim, forbairt agus cur le spriocanna na heagraíochta go feadh a gcumas.
- Díriú ar leanaí agus ar an óige, agus leanaí, daoine óga agus teaghlaigh a chur ag croílár a cuid oibre. Beidh meas ar aois an linbh agus ar an óige agus déanfar iad a urramú mar chéimeanna tábhachtacha sa saol.
- Torthaí do leanaí agus do dhaoine óga in Éirinn a chur ag croílár an tsoláthair beartais agus seirbhíse, bunaithe ar fhianaise.
- Tacú le cineálacha cur chuige ina bhfuil cosc agus luath-idirghabháil i gceist agus a chabhraíonn le leanaí, le daoine óga agus lena dteaghlaigh an fíorghealladh atá iontu a nochtadh.
- Comhoibriú agus a bheith nuálach ar fud na heagraíochta agus le ranna, gníomhaireachtaí agus earnálacha eile chun feabhas a chur ar thorthaí do leanaí agus daoine óga, go háirithe na leanaí is leochailí.
- A bheith freagrach, go haonair nó i dteannta a chéile, a bheith sásta glacadh le hathruithe, a bheith dírithe ar chustaiméirí agus meas a léiriú agus muid ag plé leis an bpobal agus lenár gcomhghleacaithe oibre.
- Déanfaimid iarracht na luachanna seo a léiriú don phobal agus dár gcomhghleacaithe oibre i ngach rud a dhéanaimid.
Doiciméid Thábhachtacha Eagrúcháin
Cairt Eagraíochta na Roinne Leanaí agus Gnóthaí Óige
Ráiteas Straitéise na Roinne Leanaí agus Gnóthaí Óige don tréimhse 2011 - 2014
Amharc ar Chairt Chustaiméirí na Roinne Leanaí agus Gnóthaí Óige
Miontuairiscí Choiste Comhairleach Bainistíochta na Roinne Leanaí agus Gnóthaí Óige
